Puntland oo dil ku xukuntay askar tikniko kala baxsaday aaga Tukaraq

Maxkamada ciidamada qalabka sida ee maamul goboleedka Puntland ayaa xukun dil toogasho ah ku riday 7 askari oo lagu eedeeyey in ay hub iyo gaadiid kala baxsadeen deegaanka Tukaraq oo ay isku-horfadhiyaan ciidamada Puntland iyo Somaliland.

Ciidamadaan dilka lagu xukumay ayaa waxay hub iyo gaadiid ka mid ahaa kuwa jiida Tukaraq ku jiray ay ula baxsadeen dhinaca Somaliland.

7 Askari ee xukunka lagu riday ayaa ka maqnaa maxkamada, waxayna saraakiisha maxkamada ay sheegeen in markii gacanta lagu soo dhigo xukunkaas lagu fulin doono.

Guddoomiyaha maxkamada ciidamada Qalabka sida ee Shanta  Gobol Puntland Gaashaanle Sare Cawil Axmed Faarax ayaa sheegay in askartaas lagu riday xukunka dilka toogashada ah, kadib markii Maxkamadu ay dhageystay dooda edeymaha iyo tan difaaca Qareenka eedeysanayaasha iyo qiimaha Gaadiidka iyo hubka ay la baxsadeen in lagu xukumay dilka toogashada ah.

Ciidamada xukunka dilka toogashada ah lagu riday ayaa waxaa Magacyadooda lagu kala sheegay sidaan.

1: Dabel Jaamac Cabdi Nuur Maxame

2: Dable C/rashiid Ismaaciil Geelle.

3:Dable Maxamed Axmed Bootaan

4:-Dable Cabdi cumar Jaamac

5: Dable Siciid Maxamed Axmed

6: Cabdi Dhuux Cali Xasan

7: Cabdiraxmaan Cabdillaahi Ashkir

Gaba gabadii Maxkamada Ciidamada Qalabka sida ee Puntland mashaacin halka ay u baxsadeen Askarta 7 gaareysa ee hubka iyo Gaadiidka la baxsaday,isla markaana ay xukunka dilka ah ku rideen.

You might also like More from author

Leave A Reply

Your email address will not be published.

Optimization WordPress Plugins & Solutions by W3 EDGE