Ra’iisul wasaare Kheyre oo ku dhegan wasiir Beyle kuna haayo baaritaan

Ra’isul wasaaraha Xukuumada Somalia Xasan Cali Kheyre, ayaa la xaqiijiyay inuu baaritaan ku hayo ku dhawaad laba bil oo aan xuquuq lasiin Hay’adaha  amaanka iyo Shaqaalaha rayidka dowlada.

Ra’isul wasaare Kheyre ayaa baaritaan ku haya halka laga bixiyay dhaqaalahaasi iyo sababta aysan u bixin Wasaarada Maaliyada, xili uu jiro isla xisaabtan.

Kheyre ayaa arrinta xuquuqda aan lasiin shaqaalaha kala xisaabtamaaya Wasiirka maaliyada xukuumada Soomaaliya Cabdiraxmaan Ducaale Beyle.

Wasiir Beyle ayaa isaguna ku doodaya inuu bixiyay dhaqaalahaasi balse uusan ogeyn qaabka ay ugu tagri faleen Madaxda Hay’adaha dowlada.

Waxa uu Beyle meesha ka saaray in Wasaaradiisa ay dhigaalsato mushaar lagu amray bixinteeda, waxa uuna cadeymo u sameynayaa sida uu ku qancin lahaa Ra’isul wasaare Kheyre.

Madaxweyne Farmaajo iyo Ra’isul wasaare Kheyre ayaa horay u sheegay inaanu dhici doonin misna laga aamusi doonin xuquuq shaqaale ka tirsan Dowlada oo aan la bixin.

Arrintaan ayaa imaaneysa xili Xarumaha dowlada ay weli ku dhex jiraan shaqsiyaad caadeystay ku tagrifalka Hantida Qarnka iyo Mushaaraadka shaqaalaha dowlada.

You might also like More from author

Leave A Reply

Your email address will not be published.

Optimization WordPress Plugins & Solutions by W3 EDGE